360               TESTAMENTS ENREGISTRÉS AU PARLEMENT DE PARIS            (600)
Item, je donne et laisse à la fabrique d'icelle eglise xx solz Parisis pour une foiz.
Item, à la fabrique de la mere eglise de Saint Gervais xx solz Pari­sis pour une foiz.
Item, je ordonne quatre anuelz qui seront chantez pour moy, dont les religieux de Saint Jehan des Vignes de Soissons en chanteront ung, se ilz s'en veulent Chargier, les religieux d'Essomes l'autre pareil­lement , et pour chascun anuel auront xxx escuz, et qu'ilz promettent loyaument de les chanter sans fraude.
Item, les deux autres seront chantez au plus prouchain autel de ma sepulture, et par prestres dignes et devoz, et de ce et du salaire je charge mes executeurs.
Item, je ordonne que le jour de mon obseque et incontinent après mon trespas soient chantées jusques à vc messes de Requiem par reli­gieux Mendians, tant que on en pourra finer, et le surplus par autres prestres devoz et bien preudommes.
Item, je laisse à chascune des im ordres Mendians xx solz Parisis pour une foiz, et diront vigiles aux obseques acoustuniées.
Item, je laisse à l'Ostel Dieu de Paris xx solz Parisis et aux freres de leans xx solz Parisis, pour dire vigiles comme dessus.
Item, je ordonne unetumbe estre faicte à l'ordonnance de ma dicte chiere Compaigne Symonnette parle conseil de mes autres executeurs, et du luminaire de l'obseque pareillement.
Item, je donne et laisse à Jaquin, mon frere, deux de mes petites tasses d'argent avec ung de mes chevaulx ou mules du mendre pris, et si veulx que en sa conscience il demeure quicte de tout ce qu'il s'est entremis de mes besongnes de par dela.
Item, je donne et laisse au curé de Monteron ung arpent de ma terre, cellui qui sera plus convenable à joindre pres des terres de la dicte cure et curé, parmi ce qu'il sera tenus de chanter chascun an im messes de Requiem pour l'ame de mes pere, mere, suers et freres, et à l'autel de Nostre Dame devant lequel ma dicte mere est enterrée, et veulx qu'il soit enregistrées messelz et es livres de l'eglise, et s'il y falloit aucune